حال مجلس الإدارة في 2009

تخيلوا يا جماعة إن بعض أعضاء المجلس نسيوا موضوع الأرض وتعديات الجهاز وسخروا جهود العاملين لدي النادي واللي بيخدوا مرتبتهم من النادي علشان يواجهوا ما يسمي بانتقادات المهندس/ صبري النجار لتعليق تقويم 2009 كدعاية لمكتبة عضو مجلس إدارة
لدرجة عدم إنعقاد جلسة مجلس الإدارة المحدد لها جلسة 4/2/2009 علشان ميخدوش قرار في موضوع
أ صبري لحين عودة عضو الخماسي المعارض حسام رفعت ،،،،،،،،،،وفي الوقت ذاته أنشغل الصيدلاني أشرف أسماعيل في جمع أكبر كمية من العصائر والشيبسي (روتيتو) وكروت فودافون وهدايا .....إلخ في سيارته علشان أولاده من شركات لا أعلم ومن أي طريق شرعي أو غير شرعي دخلت النادي وأخذت في بيع المنتجات دون علم مجلس الإدارة ودون سداد مقابل نقدي وكان يعاونه في ذلك عدد 2 من أفراد الأمن بتعليمات من أشرف كامل من يدعي نائب المدير علي الرغم من عودة المدير وذلك في نقل ما ينبغي له في سيارته الخاصة ألا يعتبرذلك إثراء علي حساب الغير وياتري مين اللي عمل كده في النادي ،،،، أكيد هو حد من الثلاثة يأما أشرف أسماعيل أو حسام رفعت أو أشرف كامل النائب........أنا عرفت مين اللي عمل كده،،،،،وأبقوا قابلوني في الحلقة الجاية .........مع تحيات المفتش كرومبو

Ana 3reft men ely 3amal el 3amla deh akeed ashraf esma3el ,,,
we mesh kan ma3ah (2) amn dol kano (2) amn we moshref we kaman 2asemo el felos beta3et el mabe3at beta3et el sharekat
ely da5let el nady benhom homa eltalata belel we lel2asaf
Moder 3am el nady we magles el 2edara may3rafsh 7aga we
ma3malsh 7aga ,,,, mabsoot meny ya krombo????

men amam Montada mo7by nady 6 october Bond ,,,,

Se7s Bond

دعوة للسادة الاعضاء لزيارة النادى الآن حتى يرو إهدار أموال النادى حيث يتم الآن تطوير ملعب رقم 1 حيث تقوم العربات النقل الثقيلة بنقل الأتربة وتسير على بلاط الانترلوك الموجود حول قصر الطفل ومجمع الخدمات حيث قامت عربات النقل بتكسير هذا البلاط لان حملة السيارة الواحدة اكثر من 20 طن وسوف يؤدى هذا التكسير الى إهدار اكثر من 150000 الف جنيه لتصليحه مرة ِِالذى يسير فيه كل شى غلط فلتذهب أموال النادى فى داهية المهم الكرسى وكله يهون علشان الانتخابات وسف اتواصل معكم فى هذا الموضع لاعرفكم التفاصيل كلها واعرفكم بالمتسبيبين فى هذه الخساير دى
ما هو رأى السادة الاعضَاء فى ما يحدث ؟

زائر

ولتدعيم كلام الأخ مخنوق

إليكم هذه الصور

وإنتظروا البقية

الاخوة و الاساتذه الاعزاء

من اجل الصالح العام

أرجوا من كل مريدي المنتدى ان يقومو بتقديم مذكرات برفضهم هذا العمل غير المسؤول

و تقديم من تسبب فيه الى التحقيق حفاظاً على مال النادي و أعضائه الكرام

الاساتذه الكرام
جميع من مع و من ضد مجلس الادارة
ممكن حد يقول لي
برده المهندس محمد طاهر رئيس مجلس الادارة مش عارف ان البلاط اللي متكلف الاف هيتكسر و يكلف النادي
ولا ده كمان قرار مجلس ادارة بالتصويت
و كان ضد رغبة رئيس مجلس الادارة كالعادة
يا ريت كل واحد ياخد حقه من النقد و كذلك من المديح
و لا دول ملائكة و لا دول شياطين
هو مجلس واحد

زائر

أستاذ وليد
مع إحترامي الشديد ليك وإعجابي بموضوعاتك
لكن إسمحلي أقول لحضرتك إنك هوائي ومتقلب
ومرة هنا ومرة هنا .... أنا مش عارف حضرتك بتتغير ليه بسرعة كده
مع إنك عارف الحقيقة فين والخطأ عند مين
وعموما ً متقلقش حضرتك لما تدخل إنتخابات السنادي هنتخبك
وهديك صوتي من غير كلام
مش بس عشان حضرتك أنا شايف إني قلبك علي النادي ولو بالكلام والهمبكة
والمذكرات اللي عمال تقدمها عشان إسمك يتذكر في محضر مجلس الإدارة وفي أروقة النادي كتير ؟
لأ وعشان أعرف كمان هو حضرتك ممكن تعمل إيه لو إنت بينهم جوه في المجلس ؟
لأنه علي حد علمي البعيد دايماً غالب

استاذ صريح جدا

شوف كلامك هو هو

معندكش فصل بين موضوع و موضوع اخر

عموما

انا ردي هنا مختلف

دائما انصار المهندس طاهر ( و هو رجل احترمه كثيرا ) يحملون باقي المجلس دونه و دون الدكتور عبد اللطيف كل شيء سيء يحدث في النادي

كاأن من معه ملائكة و الاخرون شياطين

لكن

جاء الان موضوع يتحمله المجلس باكمله و هو اهدار المال العام للنادي متمثل في بلاط الانترلوك الذي تكلف الالف

فهل سوف يتحمل المجلس كله و اذكر كله و على راسهم المهندس طاهر تبعات هذا الموقف ام ان الموضوع سوف يقتصر على بعض اعضاء المجلس دون الاخرين على اساس انه كان بالتصويت و هو مقدرش يقف امامهم كالعادة

هذا هو كلامكم الذي تقولونهم دائما و الذي سوف و يقلل من شان الرجل و ليس يكبر من شانه

تعقلوا الامر و فكرو فيه

فيجب ان يحاسب الجميع

تعليق اخير

ولا بلاش انا اكبر من كده

بقولوكوا ايه انا الكلام كده من غير ما نتقصى الحقائق مش لطيف بالمرة
و انا تقصيت يا استاذ كرومبو و علمت انهم فعلا ما حضروش جلسة مجلس الادارة فعلا علشان يفضل موضوع المهندس صبري بدون اتخاذ اي قرار بصددة

اما بالنسبة لكروت فودافوت و روتيتو
فكان يوحد بطولة منى باسكت و كانت تضم اندية كثيرة مثل الاهلى-الصيد-الزمالك -الجزيرة-سبورتنج و غيرهم
و كانت الشركات الراعية لتلك البطولة فودافون و روتيتو
و انت تعلم جيدا ان الشركات الراعية تقوم توزيع الهدايا

ده بس للعلم

اما بالنسبة لموضوع لبلاط الانترلوك
ده مش متكسر ولا حاجة اسال اي مهندس فى النادي ولا اي واحد عنده مصنع انتر لوك
يقولك ان البلاط ده عامل زي البازل و بيتفرش على رمل
و انا لما سألت فى المكان ده النهاردة قالولى انه بيتفك و بيتكوم على جنب وبعدين بيتفرشلة سجادة من الرمل و يرجع يتركب زي البازل بالظبط

اما للملعب يا استاذ مخنوق
انا و غيري من الاهالى اللى عندها اولاد بتلعب كورة و اصيبوا اكتر من مرة لان الارضية مش كويسة و لازم تتصلح
و احنا صوتنا اتنبح على انها تتصلح بقالنا سنين
ده كويس انهم بيصلحوها بدل ما اولادنا يجيلهم عاههة مستديمة
معلش روح اسأل كل اللى اولادهم بيلعبوا كورة و اصيبوا
و بعدين حضرتك جبت رقم ال 150 الف جنية ديه منين؟؟؟؟
على اساس ايه؟؟؟؟
حد فاهم حسبها و قالك القيمة ديه؟؟؟؟؟؟
انا شايفة اننا لو حنتكلم و نعترض
يبقى نتقصي الحقائق...و نسأل حد متخصص فى الارضية ديه يقولنا اتكسر و لا فعلا زي ما قالولى
بازل و بيتفرش على رمل و هوه مفكوك و بس؟؟؟

اشكر الاستاذه فوريرة على سعيها لكشف الحقيقة

وانا سالت المهندسين و قالو لي ان الانترلوك يعاد تركيبه من جديد و الخسائر ضعيفة باذن الله و ان هذا الملعب يعاد اصلاحه على يد مهندس الزراعة و مهندس الصيانة و اشراف و متابعة الادارة الهندسية و بتكلفة من داخل النادي تقريبا ربعمائة الف جنيه و اذا قام النادي بادخال مقاولين او شركة من الخارج كان سوف يتكلف مليون و مائتان الف جنيه و ذلك سبب توفير ماكينات الري و الصرف و مدافع الري و هم الان ينتظرون احضار الخامات للبداية في الاصلاح

و بالنسبة للاشاعات او سوء الفهم بالنسبة للبعض بخصوص الانترلوك فنحن لسنا مهندسين و لكننا نريد الصالح العام لكن يعاب على مديرين النادي و المسئولين عنه عدم الرد و عدم توضيح الامور بالنسبة للاعضاء مع علمي بان جميع من في مجلس الادارة و جميع المديرين يدخلون المنتدى و يرون مشاركات الاعضاء و شكواهم و مشاكلهم و لكن لا اذن تسمع ولا عين ترى

و بخصوص كلامي

وليد عبد الحميد كتب:: الاساتذه الكرام
جميع من مع و من ضد مجلس الادارة
ممكن حد يقول لي
برده المهندس محمد طاهر رئيس مجلس الادارة مش عارف ان البلاط اللي متكلف الاف هيتكسر و يكلف النادي
ولا ده كمان قرار مجلس ادارة بالتصويت
و كان ضد رغبة رئيس مجلس الادارة كالعادة
يا ريت كل واحد ياخد حقه من النقد و كذلك من المديح
و لا دول ملائكة و لا دول شياطين
هو مجلس واحد

انا اؤكده مرة اخرى على كلامي فهي قناعة شخصية لي

ايام النكسة سنة1967 قام الرئيس جمال عبد الناصر بالتنحي على اساس انه الرئيس و السبب في كل ما يحدث في البلاد و لم يقول و لم يقول انصاره اصل فيه ناس مش مخليينه عارف يشتغل و هنا كانت مسئولية القرار و اعتقد ان اي رئيس يجب ان يتحمل كل ما يحدث في المكان المسئول عنه و في النادي الرئيس يتحمل كل من الايجابيات و السلبيات و اذا كانت هناك جبهة ما تعوق عمله فامامه خياران اما ان يفضحهم امام الراي العام او الرحيل

وليد عبد الحميد كتب:: الاساتذه الكرام
جميع من مع و من ضد مجلس الادارة
ممكن حد يقول لي
برده المهندس محمد طاهر رئيس مجلس الادارة مش عارف ان البلاط اللي متكلف الاف هيتكسر و يكلف النادي
ولا ده كمان قرار مجلس ادارة بالتصويت

و كان ضد رغبة رئيس مجلس الادارة كالعادة
يا ريت كل واحد ياخد حقه من النقد و كذلك من المديح
و لا دول ملائكة و لا دول شياطين
هو مجلس واحد

أستاذ وليد الغالي
إليك نص قرار المجلس في هذا الصدد:
القرار: الموافقة على صيانة ملعب الكرة رقم 1 تنفيذاً ذاتياً على أن تجرى مناقصة محدودة لتوريد المستلزمات الخاصة بتجهيز الملعب من زلط ورمل وأسمنت وأسياخ حديدية وحديد وطوب و خلاطة ومواسير وزوايا وخوص وعلب حديد وشبك معدني وحجر هاشمي، طيقاً للمذكرتين المقدمتين وعمل سور مثل الملعب رقم 3 على أن يتم التنفيذ بواسطة إدارة الصيانة والزراعة والإدارة الهندسية والنشاط الرياضي مع اعتماد مبلغ خمسين الف جنيه لتأجير المعدات وأجور العمال وشراء ما يلزم لإنهاء البنود السابقة ، واعترض الدكتور أشرف إسماعيل.

والملاحظ أن مجلس الإدارة لم يستطع إقتحام هذه المشكلة منذ 2007 و 2008 قبل المهندس/ محمد طاهر، لأنه العضو الوحيد الذي لديه خبرة ثلاثون عاماً من المشروعات الهندسية، أما الأخ العزيز رضا عامر - مع كامل إحترامي لشخصه الكريم - فهو خريج زراعة شعبة عامة، أما أخي وصديقي الدكتور مهندس/ حسن مبروك، فهو مهندس ناجح ومدير عام في شركة أوليمبيك ويدير خطوط إنتاج وصيانة وبيع ، وليس مشروعات التشييد والبناء

حسن صقر هييجي النادي يا رجاله
هنا بيت القصيد

هو اصلاح الملعب مين اللي يفهم فيه اكتر المهندس الزراعي ولا مهندس مشروعات هندسية ؟؟

وليد عبد الحميد كتب:: هو اصلاح الملعب مين اللي يفهم فيه اكتر المهندس الزراعي ولا مهندس مشروعات هندسية ؟؟

مهلاً يا وليد
على رسلك
الزراعة معنية بالنجيلة الخضراء في الملعب
أما المشروعات الهندسية فهي المعنية بالتالي:
تحديد الهدف من المشروع وتكاليفه ومخاطره وسلبياته
إتخاذ قرار بإسناده لمتخصص أو تنفيذه ذاتياً بموارد النادي ( المالية والبشرية)
تعيين مدير للمشروع
وضع خطة ( برنامج زمني) للمشروع وموازنة مالية ومواصفات هندسية لأعمال الكهرباء من إضاءة ولوحات وكابلات ومواسيرها ومواصفات الأعمال المدنية من حفر وردم وتسوية بالليزر وأعمال بناء وإنشاءات والمواصفات الميكانيكية، ومواصفات النجيلة وريها وصيانتها وصرفها الزراعي - إن وجد
متابعة التنفيذ والمراقبة المالية والتدفق النقدي (Cash Flow) وضبط الجودة (Quality Control) ومراقبة توريدات الموردين ومطابقتها للمواصفات، وعلى حد علمي سيتولى المهندس/ أشرف كامل مسؤولية هذا المشروع
والله أعلم

أستاذ/ مخنوق
يبدو أنك عضو جديد بالنادي
فلك العذر على حداثة عهدك بالنادي
ويجب أن تعلم أن لكل مشروع تكاليفه، واعتبر أن من تكاليف المشرع هذا فك وإعادة تركيب بعض البلاطات، وقدتعهد اليوم أمامنا المهندس/ أشرف كامل ( مساعد المدير العام) أن لا تتجاوز الخسائر في البلاط الف جنيه
وعلى كل حال شكراً على اهتمامك بالنادي

بشمهندس صبري

حضرتك فاهم الغرض من السؤال و هو انه ليس بسبب ان المهندس طاهر مهندس انشاءات و لا علشان المهندس رضا عامر مهندس زراعي المشروع اتعمل او متعملش

الموضوع كله موضوع تكاليف و الموضوع ده كان معروض من ايام المهندس رضا عامر و متعملش علشان التكاليف عالية و اتعمل اليومين دول علشان قالو هنحاول نعمله بجهودنا الذاتية و قال ذلك كل من مهندس الصيانة و الزراعة و الادارة الهندسية في حضور المهندس طاهر و مدير النادي ثم تقدم كل من مهندس الصيانة و الزراعة بتقديم مذكراتهم بطالباتهم الذين يحتجونها و قال مهندس الصيانة انه سوف يقوم بعمل الري و الصرف و السور الحديد و المهندس الزراعي بالتسميد و الزراعة و تقوم الادارة الهندسية بالاشراف

يعني لا توهمو الناس ان رئيس مجلس الادارة علشان مهندس الموضوع اتعمل اظن ده يبقى حرام الموضوع كله موضوع تكاليف

و تاني حاجة لزوم الانتخابات و علشان الوزير جي

طيب المهندس طاهر معملش حمام السباحة الجديد ليه ؟؟؟؟

اكمالاً لشرح وجهه نظري

فى 10 سبتمبر سنة 1938 صدر القانون رقم 80 يوضح اللائحة الأساسية لكلية الهندسة قسمت بمقتضاه الدراسة إلى أربعة أقسام أولها قسم الهندسة المدنية والذى كان مشتملا على جميع التخصصات العلمية للهندسة المدنية .

ومنذ عام 1956 وحتى الآن تم تقسيم الهيئة التدريسية لقسم الهندسة المدنية إلى ثلاثة أقسام هى :

قسم الهندسة الإنشائية
قسم الرى والهيدروليكا
قسم الأشغال العامة

مع الإبقاء على اسم شعبة الهندسة المدنية التى يلتحق بها الطلاب ويمنحون درجة بكالوريوس فى الهندسة المدنية .

التخصصات العلمية الأساسية بالقسم

تحليل وميكانيكا الإنشاءات
خواص ومقاومة المواد
الكبارى والمنشآت المعدنية
الخرسانة المسلحة
إدارة أعمال التشييد

يا وليد يا حبيبي الوزير زار النادي في نهائيات بطولة القفز بالمظلات في صيف 2008
هذه المرة الوزير مدعو لافتتاح الصالتين وحضور احتفال ذكرى مرور خمسة وعشرين عاماً على تأسيس النادي، ولا علاقة للملعب بالموضوع

ثانياً: إن كانت المسألة مسألة تكاليف، فلماذا لم نجد هذا الفكر في عام أو عامين سابقين ؟ إذن المسألة مسألة فكر وقرار
وعلى رسلك يا وليد يا عسل

السلام عليكم

انا قمت بزيارة الى النادى امس انا وزوجتى وابنى الصغير وكنت على موعد مع اصدقائى بالنادى لنقضى يوم سعيدا فى النادى
المهم اننى يجب ان اشكر مجلس الادارة على قرار شطب الشباب الذين كانو يتعاطون المخدرات
انا وجميع الاعضاء الذين قابلتهم بالامس جميعا نشيد بهذا القرار التربوى الشجاع وبالطبع اشكر ادارة الامن على ما فعلته فى هذه الواقعة وهذا هو واجبهم اذ اننا عندما نجد سلبيات مننتقد ودورنا ايضا عندما نجد ايجابيات فيجب ان نشيد
فالى مزيد من الاستقرار والامن لنعلو من شان نادينا الحبيب

سؤالك جامد يا استاذ وليد Laughing

... وده بمناسبة قرب الموسم الصيفى والتكدس على حمام السباحة نرجو الرد.
حتى عشان تكون اللوحة اللى مرسوم عليها حمامات السباحة الجديدة لها لازمة

» مجلس الدولة وقضية أرض النادي
» الصالون الأدبي في إبريل 2009
» خطة اللجنة الثقافية في إبريل 2009
» إنتقاد المهندس صبري النجار لنشرِ دعايةِ مكتبةٍ أدى إلى إيقافه والتحقيق معهُ
» ندوة التحكيم والرياضة في مصر 27 مارس 2009